Navratri Upvas 2023: नवरात्रीत उपवास करताय? मग या महत्वाच्या गोष्टी लक्षात ठेवाच; तरच मिळेल उपवासाच पूर्ण फळ

Navratri Upvas In Marathi | नवरात्र व्रत विधि: यावर्षी शारदीय नवरात्रीची सुरुवात रविवार 15 ऑक्टोबरला घटस्थापनेपासून होणार असून 23 ऑक्टोबरला मंगळवारी दसऱ्याने समाप्त होणार आहे. नवरात्रीच्या या ९ दिवसांत दुर्गा देवीची पूजा केली जाते तसेच उपवास केला जातो. नवरात्रीचे पूर्ण फळ जलद प्राप्त करण्यासाठी, नुसता बॉस करून चालणार नाही तर सर्व नियमांचे काटेकोरपणे पालन करणे आवश्यक आहे. चला तर बघूया कोणते आहेत ते नियम.

शारदीय नवरात्री उपवास 2023: हिंदू धर्मात दिवाळी गणेशोत्सव त्याचप्रमाणे नवरात्रीला सुद्धा प्रचंड महत्व प्राप्त आहे. या वेळी माता जगदंबेच्या नऊ रूपांची 9 दिवस पूजा केली जाते. सुख, समृद्धी आणि ऐश्वर्य प्राप्तीसाठी या काळात उपवास केले जातात पण नियमानुसार काटेकोरपणाने त्याचे पालन केले तर त्याची फळप्राप्ती लवकर होऊ शकते.

नवरात्रीच्या उपवासात या गोष्टी लक्षात ठेवा

नवरात्रीच्या आधी घराची साफसफाई नक्की करून घ्या. पर्यावरणासोबतच शरीर आणि मनाची स्वच्छताही खूप महत्त्वाची आहे. त्यामुळे रोज सकाळी लवकर उठा, व्यायाम करा. आणि स्वच्छ कपडे घाला. तसेच कोणाबद्दलही वाईट विचार मनात आणू नका.

नवरात्रीच्या पहिल्या दिवशी घटस्थापनेला म्हणजे अश्विन शुक्ल प्रतिपदा तिथीला विधीनुसार कलशाची स्थापना करा. शक्य असल्यास घटस्थापनेपासून दसऱ्यापर्यंत अखंड ज्योती पेटवावी असे केल्याने माता दुर्गा प्रसन्न होते.

9 दिवस दररोज सकाळी दुर्गेची पूजा करा आणि संध्याकाळी आरती देखील करा. तसेच माँ दुर्गाला फुले, फळे, मिठाई आणि तिच्या आवडीचा भोग नैवेद्य म्हणून करा. व नंतर सर्वांना वाटा.

नवरात्रीमध्ये माँ दुर्गाला लाल वस्त्र अर्पण करणे खूप शुभ मानले जाते. तसेच देवी मातेला लाल वस्त्र चढवल्याने त्या व्यक्तीला माता दुर्गेचा विशेष आशीर्वाद प्राप्त होतो.

नवरात्रीच्या शेवटच्या दिवशी हवन आणि पूजा करा. नवरात्रीच्या अष्टमी आणि नवमी तिथीला 9 मुलींना आदरपूर्वक खीर-पुरी खाऊ घाला. मुलींचे आशीर्वाद घ्या आणि त्यांना भेटवस्तू द्या. असे केल्याने माता तुमच्यावर खुश होऊन धनलाभ, सुख, संपत्ती, समृद्धी लवकर भेटू शकते.